National Geographic հեռուստաալիքին տված հարցազրույցում ԱՄՆ նախկին նախագահը պատմել է, թե ինչու է ինքը դանդաղ արձագանքել 2001թ. սեպտեմբերի 11-ի դեպքերին: Այս դանդաղկոտությունը նա բացատրել է այն հանգամանքով, որ անհրաժեշտ էր ամերիկյան հասարակության մեջ հանգստության և կայունության տպավորություն ստեղել: Այս մասին հաղորդում է BBC-ն:
Շատերն են հիշում, որ Նյու Յորքի երկվորյակ երկնաքերերի վրա կատարված հարձակման ժամանակ Բուշը գտնվում էր Ֆլորիդայի դպրոցներից մեկում և երբ նրան պատմել են այդ հարձակման մասին, նա գրեթե չի արձագանքել, ինչն առաջացրել էր քննադատների զայրույթը: «Իմ առաջին արձագանքը ցասումն էր: Այդ ո՛ր հրեշն է նման բան իրականացրել ԱՄՆ-ի դեմ: Սակայն դրանից անմիջապես հետո ես կենտրոնացա երեխաների վրա և ցուցադրեցի այդ կոնտրաստը երեխաների անմեղության և հարձակման հետ»,- ասել է նախկին նախագահը:
Բուշն ասել է, թե տեսնում էր, թե ինչպես են լրագրողները բջջային հեռախոսներով տեղեկություններ ստանում, և ինքը կարծես համր ֆիլմ նայելիս լիներ: Բուշի խոսքերով՝ ինքն արագ հասկացել է, որ շատ մարդիկ այս դասարանից դուրս հետևելու են իր արձագանքին. «Ես որոշում կայացրի տեղիցս չթռչել և գլխակորույս չլքել շենքը, որպեսզի չվախեցնեմ երեխաներին: Ես պարզապես փորձում էի սառնասրտություն դրսևորել»,- ասել է Բուշը: «Ես շատ տարբեր իրավիճակներում եմ հայտնվել, որպեսզի հասկանայի, որ առաջինը, ինչ պետք է անի առաջնորդը՝ դա հանգստություն ցուցադրելն է»,- ասել է նա:
