Իրանի իշխանությունները դիտարկում են Հարավաֆրիկյան Հանրապետությունում (ՀԱՀ) Միայցյալ Նահանգների դսպան Լանա Մարքսի դեմ մահափորձի հնարավորությունը՝ որպես Իսլամական հեղափոխության պահապանների զորակազմի «Ալ Քուդս» հատուկ նշանակության ուժերի հրամանատար Քասեմ Սուլեյմանիի սպանության պատասխան: Դա սեպտեմբերի 13-ին պնդում է Politico թերթը՝ վկայակոչելով ԱՄՆ-ի հատուկ ծառայությունների ներկայացուցիչների:
Այդ տվյալների համաձայն՝ դեսպանի նկատմամբ սպառնալիքի մասին ԱՄՆ-ի հետախուզությանը հյտնի է գարնանից, սակայն վերջին մի քանի շաբաթում հայտնվել են ավելի կոնկրետ տվյալներ պատրաստվող հարձակման մասին: ԱՄՆ-ի իշխանությոնների ներկայացուցչի պնդմամբ՝ դիվանագետի սպանության նպատակով դավադրությանը կարող է մասնակից լինել ՀԱՀ-ում Իրանի դեսպանությունը: ԱՄՆ-ի հատուկ ծառայություններն, ըստ այդ տվյալների՝ մինչև վերջ չգիտեն, թե ինչու հենց Լանա Մարքսն է ընտրվել որպես թիրախ, սակայն դա կարող է բացատրվել այն հանգամանքով, որ նա երկար ժամանակ անձամբ ծանոթ է նախագահ Դոնալդ Թրամփի հետ, և նրանց կապում են բարեկամական հարաբերություններ:
Նշվում է, որ ՀԱՀ-ում դեսպանի դեմ մահափորձն Իրանի կողմից պատասխանի հնարավոր տարբերակներից սոսկ մեկն է: Ավելի վաղ Իրանի ղեկավար և հոգևոր առաջնորդ Ալի Խամենեին հայտարարել էր, որ Թեհրանը չի մոռանա ԱՄՆ-ի զինված ուժերի կողմից գեներալ Քասեմ Սուլեյմանիի սպանությունը և պատասխան կտա ամերիկացիներին: Իսլամական հեղափոխության պահապանների «Ալ Քուդս» հատուկ նշանակության ուժերի հրամանատար Քասեմ Սուլեյմանին զոհվել է հունվարի լույս 3-ի գիշերը Բաղդադի օդանավակայանի շրջանում ԱՄՆ-ի հրթիռային հարվածի հետևանքով: Ի պատասխան Թեհրանը հունվարի լույս 8-ի գիշերը հրթիռային հարված է հասցրել Իրաքում երկու օբյեկտների, որոնք օգտագործում էին ամերիկացի զինվորականները՝ Այն էլ Ասադ ռազմակայանին և Էրբիլ քաղաքի օդանավակայանին: