Բացի ֆիզիկական առողջությանը սպառնացող վտանգից՝ կորոնավիրուսի համավարակը նաև հոգեբանական խնդիրներ է առաջացնում: Այն սպառնում է հիմնականում այն մարդկանց, ովքեր ընտանիքում ունեցել են կորոնավիրուսով վարակվածներ կամ դրա հետևանքով կորցրել են հարազատների, ինչպես նաև բոլորի վրա, ովքեր անընդհատ լուրերով լսում են համավարակի մասին, անընդհատ տագնապի մեջ են, նրանց հոգեկան առողջության մեջ նույնպես լուրջ բացասական շարժ է նկատվում: Այս մասին «Առաջին լրատվական»-ի հետ զրույցում ասաց հոգեբան Անուշ Ալեքսանյանը՝ հավելելով, որ այս իրավիճակով պայմանավորված՝ մարդկանց կյանքը փոխվել է, դրական խթանների պակաս է նկատվում, շատացել են ներանձնային խնդիրները և հոգեբաններին դիմողների թիվը զգալիորեն մեծացել է:
«Հասարակությունների մեծ մասը ֆետիշացնում է ընտանիքի գաղափարը, առանց բովանդակության մեջ խորանալու և առանց տարբերակելու լավ ընտանիքը: Եվ այդ պատճառով, այն մարդիկ, որոնք ընտանիք չեն կազմում, իրենց դժբախտ են զգում՝ առանց գնահատելու իրավիճակը և կյանքից իրենց բավարարվածության չափը: Եվ վատ ընտանիքում ապրողները ընտանիքի գաղափարի ֆետիշացման պատճառով դժվարանում են ինչ-որ բան փոխել կյանքում: Առողջ հասարակության պայմաններիից մեկը պետք է լինի մարդկանց ընտրության հնարավորություն տալը, ոչ թե երջանկության պատկերացումներ պարտադրելով՝ ստիպել դժբախտ լինել»,- նշեց հոգեբանը: Նա նաև ընդգծեց, որ մեր հասարակությունն ունի ցածր ինքնագնահատական և բարձր ամբիցիաներ:
Մանրամասն՝ տեսանյութում:
