«Վլադիմիր Պուտինի հետ ուղիղ գիծը» 2020թ.-ին չի կայանա: Այս մասին հաղորդել է նախագահի մամուլի քարտուղար Դմիտրի Պեսկովը: Ուղիղ գիծը, որը նախատեսված էր հունիսին, ավելի վաղ հետաձգվել էր կորոնավիրուսի համավարակի պատճառով:
Նրա խոսքով, այս տարի, ստեղծված պայմանների պատճառով, «նախագահն ուղիղ գիծ է անցկացնում վերջին մի քանի ամիսների ընթացքում», ուստի այն ավանդական ձևաչափով իրականացնելն «ավելորդ կլիներ»: Միաժամանակ Պեսկովը հավելել է, որ այս ձևաչափի «տարրերն» օգտագործվում են Պուտինի ամենամյա մամուլի ասուլիսում, որը տեղի կունենա դեկտեմբերին:
2001թ.-ից ի վեր Վլադիմիր Պուտինն ամեն տարի երկու մեծ մամուլի ասուլիս է անցկացնում ուղիղ եթերում. ամռանը նա շփվում է ռուսաստանցիների հետ «ուղիղ գծի» ձևաչափով, իսկ տարեվերջին՝ լրագրողների հետ: Մինչ այժմ ուղիղ գծերը չեղարկվել են միայն երկու անգամ՝ 2004 և 2012 թվականներին: