«Թեժ աշնան մասին խոսակցությունները փուչիկ են, հիմքեր չկան այդպիսի կանախատեսում անելու»,- «Առաջին լրատվական»-ի հետ զրույցում ասաց քաղաքագետ Լևոն Շիրինյանը՝ անդրադառնալով դիտարկմանը, որ որոշ շրջանակներ ազդարարում են, թե թեժ աշուն է ակնկալվում: «Եթե վստահ են, որ թեժ աշուն է լինելու, թող առանց թիկնազորի ու առանց մանկլավիկների քայլեն Հյուսիսային պողոտայով, դուրս գան ժողովրդի մեջ. ռիսկ ունե՞ն: Իհարկե այսպիսի շահարկումների շահառուներ կան, դա գողապետությունն է, Հայաստանի մաֆիան է, որ շատ անգութ է, տգետ է, հետադեմ, նաև՝ հայրենադավ: Սրանք ինչ-որ բան կանեն վարձու գրչակների, լրատվամիջոցների միջոցով, ոտքի կհանեն վարձու «վերլուծաբանների» ու «քաղաքագետների», բայց նրանք հասարակության քանի՞ տոկոսն են կազմում: Հայաստանում երկու տարի է՝ հստակ լյուստրացիա է ընթանում»,- նշեց մերզրուցակիցը:
Եկել է բաց խաղալու ժամանա՞կը: Այս հարցին ի պատասխան՝ քաղաքագետը նշեց, որ այլ տարբերակ չկա: «Պետք է բախվեն իրենց ճակատագրի հետ, ու հնարավոր չէ, որ հակապետական ուժի վերածվող այս իրավական համակարգում հազար տարի դատական գործընթաց վարեն և օտար ափերից էլ «պապա» կանչեն: Ինչքա՞ն. լիմիտը սպառվում է, ընդամենը մինչև դեկտեմբեր կտևի:
«Պուտինը Լուկաշենկոյին փրկելու փոխարեն զբաղված է ՀՀ-ում քրեական հանցագործության մեջ մեղադրվողին,- նշեց քաղաքագետը:
Լևոն Շիրինյանի դիտարկմամբ՝ Հայաստանը դառնում է գերտերություն. «Մեր ստրատեգիայի մեջ հեղաշրջում է»: