Արցախի Հանրապետության նախագահ Արայիկ Հարությունյանը շնորհավորել է ԱՀ երրորդ նախագահ Բակո Սահակյանին ծննդյան օրվա կապակցությամբ:
«Հարգելի ՛ Բակո Սահակի
Ընդունե՛ք ջերմագին շնորհավորանքներս՝ Ձեր հոբելյանի կապակցությամբ:
Ձեր կյանքի մի զգալի հատվածը Դուք նվիրաբերել եք Հայրենիքին ծառայելու անձնվեր առաքելությանը: Մեկ անգամ ևս արձանագրում եմ, որ Ձեր առաջնորդությամբ ավելի քան մեկ տասնամյակ Արցախի Հանրապետությունը ունեցել է իր զարգացման ու առաջընթացի լավագույն տարիները: Շնորհակալ եմ մեր համատեղ ու արդյունավետ աշխատանքի համար: Համոզված եմ՝ վաստակած հանգստի պայմաններում անգամ Ձեր կուտակած երկարամյա փորձն ու գիտելիքները շարունակելու եք ծառայեցնել ի շահ մեր ժողովրդի և պետականության ամրապնդման:
Ձեր կյանքի այս նշանակալի օրվա առթիվ ի սրտե մաղթում եմ քաջառողջութուն, ընտանեկան ներդաշնակություն և երկար տարիների կյանք»,-գրել է նա:
https://www.facebook.com/ArayikHarutyunian/photos/a.177887032908678/592052828158761/?type=3