Ֆրանսիայի նախագահ Էմանուել Մակրոնը հայտարարել է, որ ցանկանում է խուսափել Բելառուսում ուկրաինական սցենարի կրկնությունից՝ հաղորդում է «Եվրոպեյսկայա պրավդան»՝ հղում անելով Politico-ին:
Մակրոնը նշել է, որ ինքը նախազգուշացրել է Ռուսաստանի Դաշնությանը զերծ մնալ Բելառուսում զինված միջամտությունից, և որ ՌԴ նախագահ Վլադիմիր Պուտինին դիմել է, որ վերջինս համոզի Ալեքսանդր Լուկաշենկոյին համաձայնել ԵԱՀԿ միջնորդությանը՝ ճգնաժամը լուծելու համար:
«Նախագահ Պուտինը ինձ և կանցլեր Մերկելին ասաց, որ ինքը պաշտպանում է ԵԱՀԿ միջնորդությունը, բայց Լուկաշենկոն դեմ է դրան: Հետևաբար, նա ջանքեր է գործադրում դրա համար: Մենք չենք ցանկանում կրկնել այն, ինչ կատարվեց Ուկրաինայում», – ասել է Մակրոնը:
«Ես նախագահ Պուտինին ասացի, որ Բելառուսի ազգային սահմաններից դուրս միջամտություն եմ դիտարկում ցանկացած արտաքին միջամտություն Բելառուսում՝ սկսած ռուսական ուժերի միջամտությունից (ռազմական, թե ներքին անվտանգության ուժեր), ինչը կհանգեցնի խնդրի միջազգայնացման և տարածաշրջանայնացման», – հավելել է Մակրոնը: