Հայտնի դարձավ, որ Հայաստանի պատմության թանգարանը նոր տնօրեն ունի. առաջիկա տարիներին պատմության թանգարանը կղեկավարի Դավիթ Պողոսյանը:
«Առաջին լրատվական»-ի հետ զրույցում Դավիթ Պողոսյանը, անդրադառնալով հարցին, թե այսօր ինչ ընթացիկ խնդիրներ են առկա Հայաստանի պատմության թանգարանում, որոնց նախատեսվում է առաջիկայում լուծում տալ, նշեց. «Բավականին թանգարանագիտական հարցեր կան լուծելու: Կան առաջնահերթ ընթացիկ հարցեր, որոնց լուծումը ընթացքի մեջ է և նախաձեռնվել է նախորդ տնօրենի կողմից, դրանցից է նոր ջերմախոնավային համակարգի անցկացումը թանգարանում, ինչը շատ կարևոր է համապատասխան պայմաններ ապահովելու համար՝ ինչպես հավաքածուների պահպանման, այնպես էլ այցելուների ընդունման, ինչպես նաև աշխատանքային համապատասխան պայմանների ապահովման համար:
Նախատեսվում է նոր ենթակառուցվածքների, աշխատանքային նոր բաժինների ստեղծում, որը հնարավորություն կտա Հայաստանի պատմության թանգարանը դարձնել առավել հաղորդակացական ու համագործակցային:
Թանգարանային տաբուների մեղմացման ենք գնում, թանգարանները պետք է պետք է լինեն այցելուակենտրոն»:
Մանրամասն՝ տեսանյութում:
