Կորոնավիրուսի դեմ պատվաստանյութն անվճար կլինի բոլոր հույների համար, երբ այն արդեն հասանելի դառնա։
Այս մասին հայտարարել է Հունաստանի վարչապետ Կիրիակոս Միցոտակիսը:
«Ես ցանկանում եմ հայտնել, որ պատվաստանյութը հասանելի կլինի Հունաստանի բոլոր քաղաքացիների համար: Մենք չգիտենք, թե երբ այն կլինի մեր տրամադրության տակ: Բայց երբ պատվաստանյութը մեր տրամադրության տակ լինի, այն հասանելի կլինի Հունաստանի բոլոր քաղաքացիներին», – նշել է Միցոտակիսը:
Վարչապետը նաև հաղորդել է, որ պաշտպանիչ դիմակները անվճար կբաժանվեն սովորողներին և ուսուցիչներին, որոնք դասերի կվերադառնան նոր ուսումնական տարում:
Հինգշաբթի Կրթության նախարար Նիկի Կերամեուսը հայտարարել է, որ դպրոցները վերաբացվելու դեպքում փակ տարածքներում դիմակները պարտադիր կլինեն, իսկ դրսում միայն այն դեպքում, երբ մարդկանց մեծ խմբեր գտնվեն նույն տարածքում:
Հունաստանը Օքսֆորդի համալսարանի կողմից AstraZeneca- ի հետ համագործակցությամբ մշակված պատվաստանյութի 3 միլիոն չափաբաժին ստանալու պայմանագիր է կնքել, եթե այն բարեհաջող անցնի կլինիկական փորձարկումների չորրորդ փուլը:
