Yandex-ը գործարկում է Yandex Go հավելվածը, որը մեկտեղում է առօրյա լոգիստիկ խնդիրները լուծելուն ուղղված մի շարք ծառայություններ։ Հայաստանում Yandex Go հավելվածն այժմ ներառում է տաքսիով արագ տեղաշարժ քաղաքում և իրերի ակնթարթային առաքում: Այլ երկրներում ծառայությունն առաջարկում է նաև ռեստորաններից և մթերային խանութներից սննդի արագ առաքում, բեռնափոխադրում, car sharing, ինչպես նաև հասարակական տրանսպորտի «կենդանի» ժամանակացույց։
Go-ն կփոխարինի Yandex.Taxi հավելվածին։ Մեկ հավելվածում միավորելով տարբեր ծառայությունների հնարավորությունները՝ Yandex Go-ն կօգտագործի դրանց բոլոր հիմնական տեխնոլոգիաները։ Ծառայության պատվերները կատարող վարորդները ավելի շատ աշխատանք կունենան և երկար չեն սպասի պատվերների։
Yandex Go-ն հնարավորություն է տալիս արագ և ժամանակին լուծել քաղաքում տեղաշարժվելու հետ կապված ցանկացած խնդիր։ Մեքենան գալիս է 5 րոպեից պակաս ժամանակամիջոցում, իսկ իրերի կամ փաստաթղթերի առաքումը միջինը 20 րոպե է տևում։ Yandex-ի էկոհամակարգում առկա տեխնոլոգիաների և հարթակների շնորհիվ մենք հեշտացնում ենք առօրյա գործերը, որպեսզի մարդիկ կարողանան դրանք անել այլ գործերի հետ զուգահեռ», – ասում է «Yandex.Taxi» ընկերությունների խմբի գործադիր տնօրեն Դանիլ Շուլեյկոն։
Yandex Go-ի ինտերֆեյսը ևս կփոխվի անվան հետ միասին, բայց Yandex.Taxi-ի ոճը կպահպանվի։
Yandex.Taxi հավելվածի օգտատերերը պետք է այն թարմացնեն ամենավերջին տարբերակով՝ Yandex Go-ին անցնելու համար։ Նոր օգտատերերի համար Yandex Go ծառայությունն արդեն հասանելի է Google Play-ում և AppStore-ում։
Yandex.Taxi-ն մեկնարկել է Հայաստանում 2016 թվականին։ Այժմ ծառայությունը գործում է Երևանում, Վանաձորում, Գյումրիում, Կապանում, Հրազդանում, Սպիտակում ու ևս 10 քաղաքներում։ Այս տարվա սկզբին մեքենայով ուղևորություններին ավելացել է նաև առաքման գործառույթը։
