Բելառուսում հետընտրական կրքերը չեն հանդարտվում։ Նախագահական ընտրություններում Ալեքսանդր Լուկաշենկոյի հաղթանակը կասկածի տակ առնող հանրության մեծ մասը շարունակում է բողոքի ակցիաները, մեկնարկել են նաև զանգվածային գործադուլներ։
Ի՞նչ եք կարծում՝ Լուկաշենկոյի քաղաքական կյանքը կա՞րճ է․ «Առաջին լրատվական»-ի հարցին հրապարակախոս, քաղաքագետ Անուշ Սեդրակյանը պատասխանեց․ «Միանշանակ, եթե անգամ նա մնա նախագահի պաշտոնում»։
Հայաստանի վարչապետը շտապե՞ց շնորհավորել Եվրոպայի վերջին բռնապետին․ «Առաջին լրատվական»-ի հարցին Անուշ Սեդրակյանը պատասխանեց․ «Ոչ միայն շտապեց, այլ ինձ թվում է, որ կոնցեպտուալ սխալ մոտեցում դրսևորեց։ Ինչքան էլ որ ասեն, թե սա պետություն է, ու պետական և ընդդիմադիր դրսևորումները տարբեր են, բայց այդ դեպքում ամբողջ քաղաքակիրթ աշխարհի մոտ վիճարկվում է, թե արդյոք մենք կառուցվում ենք այն ժողովրդավարական սկզբունքով, որով մենք հռչակվում ենք։ Կա մի այսպիսի երկաթյա տրամաբանություն․ եթե մենք Ալիևին դիտարկում ենք իբրև դիկտատոր, եթե մենք Թուրքիայի նախագահին որակում ենք իբրև դիկտատոր, ապա նույն այդ պիտակը մենք պետք է կպցնենք և՛ Լուկաշենկոյին, որը դուրս է եկել սեփական ժողովրդի դեմ, և՛ Պուտինին, որը դեռ դուրս չի եկել, բայց միանշանակ պատրաստվում է այդ գործողություններին»։
Այստեղ կա Հայաստանի շահն ու ժողովրդավարությունը։ Դրանք համադրելի՞ են․ «Առաջին լրատվական»-ի հարցին Անուշ Սեդրակյանը պատասխանեց․ «Ես կարծում եմ, որ այլապես մենք չենք ունենա հեղափոխություն, որովհետև մենք հեղափոխական, ժողովրդավարական օրակարգը գնահատել ենք, եթե հիշում եք, ներկա իշխանությունները տվյալ օրակարգով են եկել իշխանության։ Դրա համար ես չեմ պատկերացնում, թե նոր Հայաստանի պետական շահը տրամագծորեն տարբերվեր պետական շահից, որովհետև մեր գերակա պետական շահը հենց ժողովրդավարական օրակարգն է»։
Մանրամասները՝ տեսանյութում։