Իտալիայի նախկին վարչապետ Սիլվիո Բեռլուսկոնիին լուսանկարել են նոր ուղեկցուհու՝ «Առաջ, Իտալիա» կուսակցության պատգամավոր, 30-ամյա Մարտա Ֆաշինայի հետ, հաղորդում է Daily Mail-ը:
Լրատվամիջոցները կասկածում են, որ Բեռլուսկոնին նման լուսանկարներով փորձում է վրեժ լուծել նախկին հարսնացուից՝ Ֆրանչեսկա Պասկալից:
Նախկին վարչապետն ու պատգամավորը ձեռք ձեռքի բռնած շրջել են նավամատույցում: Լուսանկարը հրապարակվել է իտալական և արտասահմանյան լրատվամիջոցներում:
Այս տարվա մարտին Բեռլուսկոնին խզել է իր 12-ամյա հարաբերությունները 35-ամյա Ֆրանչեսկա Պասկալի հետ, որին լրատվամիջոցները վերջերս նկատել են զբոսանավի վրա 55-ամյա երգչուհի Պաոլա Տուրչիի հետ համբուրվելիս: Մի քանի շաբաթ անց հայտնվել է նաև Բեռլուսկոնիի լուսանկարը:
«Նա հիանալի գիտեր, որ պապարացիները կարող են նկատել իրեն»,- ասել է Oggi-ի գլխավոր խմբագրի տեղակալ Լիվիո Կոլոմբոն: Ավելին, կադրերն առաջին անգամ հայտնվել են Arnoldo Mondadori Editore ընկերությանը պատկանող ամսագրում, որը ղեկավարում է Բեռլուսկոնիի դուստրը:
