«Քաղաքական շրջանակներից մեզ հասած տեղեկություններով՝ մինչև սեպտեմբեր քաղաքական նոր կուսակցություն է ասպարեզ իջնելու. իշխանություն-ՀԱԿ երկխոսության ու հնարավոր զարգացումների ֆոնին նախկին նախագահ Ռոբերտ Քոչարյանը, այնուամենայնիվ, որոշել է նոր կուսակցություն ստեղծել: Նոր կուսակցությունը համախմբելու է Քոչարյանի համակիրներին ու բացահայտ սատարելու է Ռ Քոչարյանին և ստեղծվում է խորհրդարանական ընտրություններին մասնակցելու նպատակով»,- գրում է «Հրապարակ»-ը և հավելում.
«Ավելին՝ ասվում է, որ Քոչարյանի կուսակցությունը հնարավոր է՝ ղեկավարի ԱԳ նախկին նախարար Վարդան Օսկանյանը: Երեկ մեր հարցին, թե ճի՞շտ է, որ մինչև սեպտեմբեր կուսակցություն եք դեկավարելու, Վարդան Օսկանյանը բացասական պատասխան տվեց. «Դա ճիշտ չի»։
Թերթի դիտարկմանը, թե ասվում է, որ Ռոբերտ Քոչարյանն է կուսակցություն բացում, Օսկանյանն ասել է. «Դե, էդ իրեն կհարցնեք, էլի: Ես չեմ բացում: Էդ կարող եք վստահ լինել»:
