Վրաստանի քաղաքացիների մեծ մասը Ռուսաստանը համարում է երկրի համար ամենամեծ քաղաքական և տնտեսական սպառնալիքը։ Այս մասին են վկայում ԱՄՆ միջազգային հանրապետական ինստիտուտի հարցման տվյալները, հաղորդում է «Ինտերֆաքսը»։
Ըստ հարցման արդյունքների՝ այդպես է կարծում Վրաստանի քաղաքացիների 82%-ը։
Նշվում է, որ քաղաքացիների 62% -ը Վրաստանի ամենամոտ տնտեսական և քաղաքական գործընկեր է անվանել Միացյալ Նահանգները:
Հարցումն անցկացվել է հունիսի 4-ից հուլիսի 2-ը, դրան մասնակցել են 1500 քաղաքացիներ ամբողջ Վրաստանում։