Բելառուսում նախագահական ընտրություններից հետո Ալեքսանդր Լուկաշենկոն խորհրդակցություն է հրավիրել՝ երկրում բողոքի զանգվածային ցույցերի հետ կապված:
Ըստ նրա՝ այժմ ամենակարևոր խնդիրները քաղաքացիների անվտանգությունն ապահովելն է, ինչպես նաև սահմանադրական կարգը պաշտպանելը և «կառավարման մարմինների բնականոն գործունեությունը ապահովելը»,- հայտնում է BelTA գործակալությունը:
Ըստ Լուկաշենկոյի՝ ամեն ինչի հիմքը տնտեսական գործառույթն է: Նա հավելել է, որ բոլոր «այսպես կոչված բողոքողների» մեծամասնությունը քրեական անցյալ ունեցող մարդիկ են, ովքեր այժմ անգործ են: «Աշխատանք չկա, նշանակում է «գնա՛, քեռի՛, քայլի՛ր փողոցներով և պողոտաներով», – ասել է Լուկաշենկոն:
Այս կապակցությամբ նա նախազգուշացրել է բոլորին, որ նրանք պետք է սկսեն աշխատել: Նա նաև նախազգուշացրել է որոշ «մեղմ ասած, բուրժուականացած քաղաքացիներին»: Ըստ նրա՝ «Աստված չանի, որ ինչ-որ մեկը ինչ-որ մեկին կեղծ աշխատանքային վկայականներ հանձնի»:
Արդյունքում, Լուկաշենկոն իրավապահ մարմիններին և պետական գերատեսչություններին հանձնարարել է ապահովել այդ հրահանգների իրականացումը: