ԵՄ երկրների արտաքին քաղաքական գերատեսչությունների ղեկավարները մտադիր են տեսակոնֆերանս անցկացնել ուրբաթ, օգոստոսի 14-ին, որի ժամանակ նրանք կքննարկեն իրավիճակը Բելառուսում, հայտնել են Լեհաստանի արտաքին գործերի նախարարությունից:
«Ի պատասխան Լեհաստանի խնդրանքին, այս ուրբաթ ԵՄ արտաքին գործերի նախարարները կանցկացնեն հատուկ տեսակոնֆերանս, քննարկելու համար իրավիճակը Բելառուսում»,-ասվում է հայտարարության մեջ:
Մինչ այդ, Լիտվայի արտգործնախարար Լինաս Լինկյավիչուսը խոսել է օգոստոսի 9-ին կայացած նախագահական ընտրություններում Բելառուսի նախագահ Ալեքսանդր Լուկաշենկոյի մրցակից Սվետլանա Տիխանովսկայայի հետ: Ինչպես նա նշել է Twitter-ում, նա «լավ տրամադրությամբ է և շուտով ելույթ կունենա»:
