2011 թ. հուլիսի 22-ին տեղի ունեցած Հայաստանում Ամերիկայի առևտրի պալատի (ՀԱԱՊ) 11-րդ տարեկան ընդհանուր ժողովի ընթացքում կազմակերպության նոր նախագահ է ընտրվել «Պրուդենս» իրավաբանական ընկերության տնօրեն և բաժնետեր Էդուարդ Մուրադյանը: Մինչ այդ ՀԱԱՊ-ը ղեկավարում էր Դավիթ Աթանեսյանը («Առաջին հիփոթեքային ընկերություն» ՈւՎԿ-ի գործադիր տնօրեն):
ՆԱՍԴԱՔ ՕԷՄԷՔՍ Արմենիայի գլխավոր տնօրենի պաշտոնակատար Կարեն Զաքարյանն ընտրվել է ՀԱԱՊ Խորհրդի անդամ: «Առաջին լրատվականին» ՆԱՍԴԱՔ ՕԷՄԷՔՍ Արմենիայից հայտնում են, որ մասնակցելով ՀԱԱՊ Խորհրդի աշխատանքներին՝ ՆԱՍԴԱՔ ՕԷՄԷՔՍ Արմենիան կաջակցի կազմակերպությանն իր առաքելության իրականացման գործում, այն է՝ ստեղծել մրցակցային, թափանցիկ, ազատ և արդար գործարար միջավայր Հայաստանում, կառուցողական գործարար հարաբերություններ հաստատել ԱՄՆ-ի և Հայաստանի միջև, ներկայացնել և պաշտպանել իր անդամների ընդհանուր բիզնես շահերը, ինչպես նաև հեշտացնել իրազեկումը և տեղեկատվության փոխանակումը ինչպես անդամների, այնպես էլ անդամների և այլ ընկերությունների միջև:
ՆԱՍԴԱՔ ՕԷՄԷՔՍ Արմենիան 2008 թ.-ից ՀԱԱՊ-ի անդամ է:
ՀԱԱՊ-ի Տնօրենների խորհրդի կազմն ընդլայնվել է՝ 8 անդամից դառնալով 12:
