ԱՄՆ-ի գյուղատնտեսության նախարարությունը հայտարարել է, որ երկրի տարբեր նահանգների բնակիչներին Չինաստանից ուղարկված ծանրոցներում եղել է անանուխի, խնկունի, նարդոսի, հիբիսկուսի և վարդի սերմեր, գրում է Business Insider-ը:
Գերատեսչության ներկայացուցիչները նշել են, որ ծանրոցներում վտանգավոր բույսեր չեն հայտնաբերվել:
Իշխանությունները հավելել են, որ այս կերպ վաճառողները ցանկացել են բարձրացնել իրենց վարկանիշը՝ գնորդներից դրական արձագանքների ակնկալիքով:
Ավելի վաղ ԱՄՆ-ի տարբեր նահանգների բնակիչները սկսել են Չինաստանից տարբեր բույսերի սերմերով ծանրոցներ ստանալ, չնայած որ դրանք չէին պատվիրել: Իշխանությունները խնդրել էին չբացել փաթեթները և պարունակությունը հանձնել փորձաքննության:
