«Իմ չներկայանալն ինչ-որ տեղ հարգելի է, որովհետև հայտարարեցին, որ ովքեր խոցելի տարիք ունեն, կարող են չմասնակցել նիստերին։ Եվ ճիշտն ասած ես այդքան իմ առողջության մասին չէի մտածում, ինչքան մտածում էի իմ գործընկերների համար, որ լինելով խոցելի տարիքում հանկարծ իմ գործընկերներին չվնասեի, չվնասեի իրենց առողջությանը։
Ես բոլոր ակցիաներին մասկացել եմ, իսկապես բացի Ծառուկյանենց տան մոտ անցկացված ակցիայի։ Ես երկու-երեք օր մասնակցել եմ ԱԱԾ-ի մոտ, երբ Ծառուկյանին հրավիրում էին հարցաքննության, այնտեղ եմ եղել, դատարանում, երբ լսվում էր այդ հարցը, բոլոր ժամանակներում եղել եմ և որևէ բացակայություն չեմ ունեցել» , – «Առաջին լրատվական»-ի հետ զրույցում ասաց ԱԺ «Բարգավաճ Հայաստան» խմբակցության պատգամավոր Վարդևան Գրիգորյանը՝ անդրադառնալով հարցին, որ ԱԺ նիստերին ինչու չի ներկայացել։