Գերմանիայում բոլոր այն մարդիկ, ովքեր վերադառնում են վտանգավոր համաճարակաբանական իրավիճակ ունեցող երկրներից, հենց օդանավակայաններում կորոնավիրուսի հայտնաբերման թեստ են անցնելու: Այս մասին համաձայնեցին Գերմանիայի դաշնային հողերի առողջապահության նախարարները շաբաթ օրը ՝ հուլիսի 25-ին:
Թեստավորումն անվճար կլինի, բայց դեռ հայտնի չէ, թե երբ համակարգը կսկսի աշխատել (այն գործելու է նաև նավահանգիստներում):
Միևնույն ժամանակ, ԵՄ այլ երկրներից ճանապարհորդները հնարավորություն կունենան վերադառնալուց հետո 72 ժամվա ընթացքում անվճար թեստ անցկացնել, «բայց ոչ օդանավակայաններում, այլ բժշկական հաստատություններում և լաբորատորիաներում», – ասում է Բեռլինի առողջապահության սենատոր Դիլեկ Կալայչին:
«Վարակի ներկայիս տեմպերը ևս մեկ անգամ ցույց են տալիս, որ մենք դեռ գտնվում ենք համավարակի կեսում: Եվ զբոսաշրջության աճը մեծացնում է ռիսկը, որ ավելի շատ վարակված մարդիկ կվերադառնան Գերմանիա», – ասել է առողջապահության դաշնային նախարար Յենս Սփանը:
