ԱՄՆ Սենատը հաստատել է 740,5 միլիարդ դոլար արժողությամբ ազգային պաշտպանական բյուջեի հաջորդ ֆինանսական տարվա իր տարբերակը (երկրում սկսվում է հոկտեմբերի 1-ից), հաղորդում է CNBC-ն:
Նախագծի այս վարկածում առաջնահերթ դերը տրված է «Ռուսաստանի հետ ռազմավարական մրցակցությանը»: Նախագիծը հաստատվել է 86 սենատորների կողմից, դեմ է քվեարկել 14 մարդ:
Այս շաբաթ Պաշտպանության բյուջեի մեկ այլ տարբերակ է հաստատվել Ներկայացուցիչների պալատի կողմից: Նրանց տարբերակում նշվում են պատժամիջոցների նոր միջոցառումներն ընդդեմ ռուսական «Հյուսիսային հոսք-2» գազատարի: Բացի «Հյուսիսային հոսք-2»-ի դեմ հակառուսական պատժամիջոցներից, բյուջեն սահմանափակիչ միջոցներ է նախատեսում ձեռնարկել մեկ այլ գազատարի՝ «Թուրքական հոսք»-ի դեմ:
Այժմ երկու տարբերակները պետք է համաձայնեցվեն այդ պալատների ներկայացուցիչների կազմված հանձնաժողովի կողմից:
