Համապատասխան սահմանադրական մարմինները՝ կառավարությունը, ՀՀ նախագահն ու Դատավորների ընդհանուր ժողովը, երկամսյա ժամկետում կառաջադրեն ՍԴ դատավորների թեկնածուներ: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Սիսակ Գաբրիելյանը:
«ԱԺ-ն այս պահին արձակուրդի մեջ է, ենթադրում եմ, որ սեպտեմբերի հենց առաջին նստաշրջանի ընթացքում կամ ամենաուշը հոկտեմբերի առաջին տասնօրյակում արդեն կլինեն առաջադրումները ԱԺ-ում: Չեմ կարող ասել, որ կընտրվեն, որովհետև ամեն դեպքում ԱԺ-ն պետք է քննարկի և ընդունի կամ մերժի թեկնածությունները»,-ասաց նա:
