Այսօր՝ հուլիսի 15-ին, Ազգային ժողովում հրավիրվել է արտահերթ նիստ: Այժմ քննարկվում է ԱԺ կանոնակարգ օրենքում փոփոխություններ կատարելու մասին հարցը:
«Իմ քայլի» պատգամավոր Տաթև Հայրապետյանը անդրադարձավ երեկ Բաքվում տեղի ունեցած ցույցին` «Մահ հայերին», «Ղարաբաղը մերն է» հակահայկական ելույթներով. «Կարանտինային պայմաններում այս ցույցը չէր կայանա, եթե չլիներ իշխանությունների ոչ միայն ակնհայտ թողտվությունը, այլև ցանկությունը, որը արտաքին շղարշ էր կրում` ցույց տալու, որ իրենց ժողովուրդը պատերազմ է ուզում»:
Նրա խոսքով` Ալիևը դարձել է իր իսկ քարոզած հակահայկականության գերին. «Հաշված ժամերի ընթացքում այդ ցույցը սկսեց ստանալ որոշակի հակաիշխանական էլեմենտներ, և սկսեցին պահանջել հրաժարականներ»:
Պատգամավորը իր խորին երախտիքն արտահայտեց. «Փառք ու պատիվ այն մարդկանց, որոնք այս օրերին զոհվեցին մեր ազատ ապրելու իրավունքի համար»:
Մանրամասն՝ տեսանյութում:
