Ռուսաստանը և Չինաստանը վետո են դրել ՄԱԿ-ի Անվտանգության խորհրդի բանաձևի նախագծի վրա, որը վերաբերում է Սիրիային տրամադրվող միջսահմանային մարդասիրական օգնությունը երկարաձգելուն։ Այս մասին հաղորդել է ՏԱՍՍ-ը՝ հղում անելով ՄԱԿ-ում իր աղբյուրին։
Ինչպես հայտնել է աղբյուրը, բանաձևի նախագծի հեղինակները Գերմանիան և Բելգիան են:
Ըստ նրա, բանաձևի ընդունմանը կողմ է քվեարկել 13 երկիր: Միևնույն ժամանակ, Չինաստանը և Ռուսաստանը դեմ են եղել, բայց չնայած 13 կողմ ձայներին, փաստաթուղթը չի հաստատվել:
Գործակալության զրուցակիցը բացատրել է, որ Գերմանիան և Բելգիան չեն համաձայնել Ռուսաստանի դիրքորոշման հետ, որը հանդես է գալիս անցակետերի քանակը աստիճանաբար կրճատելու օգտին, որոնց միջոցով Սիրիան մարդասիրական օգնություն է ստանում՝ շրջանցելով Դամասկոսը: