Հնդկաստանը կորոնավիրուսով հիվանդների թվով հայտնվել է աշխարհում երրորդ տեղում: Այս մասին կիրակի, հուլիսի 5-ին, հաղորդել է NDTV հեռուստաալիքը:
Կիրակի երեկոյան, երկրի տարբեր նահանգներից ստացված տվյալների համաձայն, վարակվածների թիվը 697,069 է կազմել (վերջին մեկ օրվա ընթացքում +23.165 հիվանդ), մինչդեռ Ռուսաստանում այդ թիվը 681,251 է (+6736):
Այսպիսով, կորոնավիրուսով վարակվածների թվով Հնդկաստանը զիջում է միայն Միացյալ Նահանգներին (2.967.443) և Բրազիլիային (1.579.837):
Միևնույն ժամանակ, Հնդկաստանում գրանցվել է կորոնավիրուսով պայմանավորված մահացության 19 699 դեպք (վերջին մեկ օրվա ընթացքում +420), ապաքինվել է 424 885 (+16 239) մարդ:
