Հնարավոր է՝ մոտ ապագայում աշխարհում թմրամոլների թիվը զգալիորեն կրճատվի: ԱՄՆ Սկրիպսի համալսարանի գիտնականները ստեղծել են հերոինի դեմ շիճուկ: Այդ դեղամիջոցն արգելափակում է հերոինի ազդեցությունն օրգանիզմում, ինչի արդյունքում մարդը թմրանյութերից հաճույք չի ստանում և կախվածության մեջ չի ընկնում:
Հակահերոիային պատվաստանյութի հեղինակ Քիմ Յանդան ասել է, որ այս դեղամիջոցն ուժեղ թերապևտիկ ազդեցություն ունի, որն առաջացնում է իմունային համակարգի անմիջական արձագանք, որը ստեղծում է հերոինի մոլեկուլները վերացնող հակամարմիններ, մինչև դրանք կհասնեն ուղեղին:
Կենդանիների վրա իրականացված փորձերը ցույց են տվել, որ շիճուկի ազդեցության հետևանքով հերոինը ոչ միայն չի ազդում օրգանիզմի վրա, այլև ընդհանուր առմամբ նվազում է թմրանյութերի հանդեպ պահանջը: Նշվում է, սակայն, որ հակահերոինը չի ազդում այլ թմրանյութերի, ասենք՝ մորֆինի և 6-ացետիլմորֆինի վրա:
Գիտնականները կարծում են, որ այս շիճուկը կարող է հեղափոխություն մտցնել թմրանյութերի դեմ պայքարում, հատկապես եթե այն համադրվի հայտնի այլ բուժումների հետ:
