Ըստ Ուկրաինայի բարեփոխումների ազգային խորհրդի գործադիր կոմիտեի ղեկավար Միխայիլ Սաակաշվիլիի, երկրի նախագահ Վլադիմիր Զելենսկին նախատեսում է ստեղծել ֆինանսական հետաքննությունների միասնական մարմին, որը կփոխարինի տնտեսական հանցագործություններով զբաղվող բոլոր իրավապահ մարմիններին: Բացի այդ, Զելենսկին պատրաստ է դատական համակարգի հիմնարար բարեփոխում իրականացնել, որպեսզի վերջ դնի ապօրինություններին:
Սաակաշվիլին պարզաբանել է, որ ինքը վստահ է, որ Ուկրաինայի տնտեսական առաջընթացի հիմնական թշնամին իրավապահ համակարգն է՝ ներառյալ ՈՒԱԾ-ն, Գլխավոր դատախազությունը և Հարկային ոստիկանությունը:
«Հետևաբար, նախագահը վճռական որոշում կայացրեց ստեղծել մեկ մարմին. դա պետք է ֆինանսական հետաքննությունների մի փոքր մարմին լինի: Մնացած ամենը վերացնել: Եվ հնարավորություն տալ բիզնեսին նորմալ զարգանալու՝ առանց այս մշտական հարկային ահաբեկչության», – գրել է նա Facebook- ում: