Մեծ Բրիտանիայում ԶԼՄ-ներում ամենաազդեցիկ դեմք է համարվում Facebook սոցցանցի հիմնադիր Մարկ Ցուկերբերգը: Այս մասին հաղորդում է The Guardian-ը, որը հրապարակել է ազդեցիկ մարդկանց տասնյակը: 2010 թ. այդ տեղը զբաղեցնում էր Apple ընկերության ղեկավար Սթիվ Ջոբսը, իսկ դրա նախորդ տարի՝ մեդիամագնատ Ռուպերտ Մերդոքն ու նրա որդին՝ Ջեյմսը, որոնց վարկանիշն ընկել է իրենց լրատվամիջոցներում հայտնի մարդկանց հեռախոսները լսելուց հետո: Այս տարի Մերդոք հայրը չկա ցուցակում, իսկ որդին՝ դուրս է մնացել նույնիսկ տասնյակից:
Սթիվ Ջոբսն այս տարի կորցրել է իր տեղը և հիմա եզրափակում է լավագույն հնգյակը, ինչը կապված է նրա հիվանդության հետ: Երկրորդ տեղում է Twitter միկրոբլոգերի կայքի հիմնադիր Ջեք Դորսին, իսկ երրորդ՝ Google-ի հիմնադիր Լարի Փեյջը: Չորրորդ հորիզոնականն զբաղեցնում է BBC հեռուստաալիքի ղեկավար Մարկ Թոմսոնը:
