Грузия Online-ի փոխանցմամբ՝ Նորվեգիայի մայրաքաղաք Օսլոյում և դրա մոտ ընկած Ուտոյա կղզում մոտ 100 մարդու մահվան պատճառ հանդիսացած Անդերս Բեհրինգ Բրեյվիկի՝ «Եվրոպայի անկախության մանիֆեստ – 2083» խորագրով 1518 էջանոց փաստաթղթում խոսք է գնում նաև 2008 թվականի օգոստոսին ռուս-վրացական պատերազմի մասին։
Ըստ Բրեյվիկի՝ այդ պատերազմը հրահրել է ԱՄՆ-ի կառավարությունը. «ԱՄՆ-ի վարչակազմը Վրաստանին դրդել է հարձակման՝ Ռուսաստանի ուժը ստուգելու համար։ Չնայած դրան՝ Վրաստանին ու ԱՄՆ-ին նախկինի նման միավորում են նույն քաղաքական նպատակները, և նրանք կմիավորվեն ԵՄ-ին այլընտրանքային բլոկի մեջ, որը ստեղծվելու է Վրաստանի սահմանների մոտ»։
Բրեյվիկը նաև նշել է, որ Վրաստանը փոքր քրիստոնյա երկիր է, որին կեղեքել են մուսուլմանները։ Այդ առումով նա հիշատակում է շահ Աբասին։
Հիշեցնենք, որ ռուս-վրացական հնգօրյա պատերազմը տեղի է ունեցել օգոստոսի 7-12-ը։