Անցած մեկ օրում, ըստ Առողջապահության նախարարության հիվանդությունների վերահսկման և կանխարգելման ազգային կենտրոնի, ունենք կորոնավիրուսային հիվանդությամբ հաստատված 418 նոր դեպք, ընդհանուր՝ 21․006, 1013 մարդ առողջացել է, ընդհանուր՝ 10․144, արձանագրվել է մահվան 9 դեպք, ընդհանուր՝ 372։ Մահվան դեպքերի վերաբերյալ նույն աղբյուրը հայտնում է, որ բուժառուները եղել են 53, 59, 60, 70, 73 77, 78, 80, 81, 82, 89 տարեկան: Բոլորն ունեցել են ուղեկցող քրոնիկական հիվանդություններ։ Կորոնավիրուսային հիվանդությամբ այս պահին փաստացի բուժում է ստանում 10․364 բուժառու։ Թեմայի շուրջ «Առաջին լրատվական»-ը զրուցել է ԵՊԲՀ հանրային առողջության և առողջապահության կազմակերպման ամբիոնի դասախոս Արմինե Հարությունյանի հետ:
«Մեր հասարակությունն առավել զգուշավոր է դարձել: Գաղտնիք չէ, որ հիվանդացած անձանց շրջանակը բավականին նեղացել է, մեզնից շատերի մտերիմ-հարազատները վարակվել են, ինչը շատ ավելի զգոն է պահում: Եվ այս փաստը կարևոր դերակատարություն ունի հիվանդացության թվերի նվազման առումով»,- նշեց Արմինե Հարությունյանը: Նրա դիտարկմամբ՝ զանգվածային թեստավորման անհրաժեշտություն կա, ինչը հնարավորություն կտա հայտնաբերել վարակակիրներին և նրանց մեկուսացնելով՝ կանխարգելել վարակի տարածումը:
Մեր զրուցակիցը նաև ընդգծեց, որ իրավիճակը կայուն լինելուց դեռ հեռու է. պետք է տույժերը խստացնել:
Մանրամասն՝ տեսանյութում: