Թուրքիայում հունիսի 14-ին կորոնավիրուսից մահացել է 15 մարդ։ Այս մասին հաղորդել է Թուրքիայի առողջապահության նախարար Ֆահրեթին Քոջան։
Նա նշել է, որ 1 օրվա ընթացքում արված 45․176 թեստի արդյունքում հաստատվել է կորոնավարակի 1.562 նոր դեպք։ Նույն ժամանակահատվածում գրանցվել է վարակակիրների մահվան 15 դեպք, ապաքինվել է 1.330 մարդ:
Ըստ պաշտոնական տվյալների` Թուրքիայում մինչև օրս համավարակից ապաքինվել է 151.417 մարդ, 717 հիվանդ գտնվում է վերակենդանացման բաժանմունքում։
Այսպիսով, վերջին տվյալների համաձայն՝ Թուրքիայում ընդհանուր առմամբ արձանագրվել է վարակման 178․239, իսկ մահվան 4․807 դեպք։ Թեստավորումների թիվը հասել է 2 մլն 632.171-ի։
Թուրքիայում կորոնավիրուսի պիկը գրանցվել է ապրիլի վերջին։ Այժմ, ըստ հրապարակված տվյալների, երկրում կորոնավիրուսի վարակման դեպքերի թիվն աստիճանաբար նվազում է։
