Ադրբեջանական Salam News գործակալության փոխանցմամբ՝ Ադրբեջանի Միլլի մեջլիսի (խորհրդարան) պատգամավոր, քաղաքագետ Ռասիմ Մուսաբեկովը մեկնաբանել է Թուրքիայի վարչապետ Ռեջեփ Էրդողանի՝ հուլիսի 27-ին կատարելիք ադրբեջանական այցը։
«Դա զգալի ազդեցություն չի ունենա ղարաբաղյան հակամարտության կարգավորման վրա։ Այդ այցի հիմնական նպատակը միջպետական հարաբերությունների զարգացումն է։ Ակնկալվում է, որ այցի շրջանակներում ստորագրվելու են մի շարք փաստաթղթեր, որոնցից մեկն էլ առչվելու է Թուրքիայի տարածքով դեպի Եվրոպա ադրբեջանական գազի տարանցման խնդրին»։
Հիշեցնենք, որ ավելի վաղ նշվում էր, որ Էրդողանի ադրբեջանական այցի ժամանակ քննարկման կարևոր առարկաներից մեկը լինելու է Ադրբեջանի կողմից Թուրքիայի հետ գործող անցագրային ռեժիմը չվերացնելը, ինչն ադրբեջանական կողմն օրեր առաջ պատճառաբանեց իրանական ճնշմամբ։
