Լոնդոնում ռասիզմի և ոստիկանության բռնության դեմ բողոքի ակցիաների մասնակիցները մոտեցել են Դաունինգ-սթրիթում գտնվող Մեծ Բրիտանիայի վարչապետի նստավայրին, հաղորդում է Sky News-ը:
Պարբերականի թղթակցի հրապարակած հոլովակում երևում է, որ ցուցարարները հավաքվել են շենքի մոտ, նրանցից ոմանք բարձրացել են մոտակա ցածր արգելապատնեշի վրա: Իրավապահները օղակել են նստավայրը:
Պարբերականի համաձայն, տարբեր իրեր են նետվում ոստիկանների ուղղությամբ: Բացի այդ, բռունցքով հարվածել են նվազագույնը մեկ իրավապահի:
Մայիսի 25-ին իրավապահների կողմից աֆրոամերիկացի Ջորջ Ֆլոյդի ձերբակալության ժամանակ ոստիկանը ծնկով սեղմել է տղամարդու պարանոցը: Ֆլոյդը բղավել է, որ խեղդվում է, բայց ոստիկանները ուշադրություն չեն դարձրել:
Արդյունքում տղամարդը մահացել է վերակենդանացման բաժանմունքում: Սա Միացյալ Նահանգներում և այլ երկրներում համատարած բողոքի ցույցերի և անկարգությունների պատճառ է դարձել: