Այսօր՝ հունիսի 3-ին, Ազգային ժողովում շարունակվում է հերթական նիստը: Այժմ քննարկվում է Հեռուստատեսության և ռադիոյի 2019թ. գործունեության մասին տարեկան հաղորդումը:
«Բոլոր հեռուստաընկերությունները` բացառությամբ մեկի, բացասական պատասխան են տվել մեր այն հարցին, թե արդյոք պետական որևէ օղակ խառնվե՞լ է իրենց գործունեությանը և պարտադրե՞լ են ինչ-ինչ քայլեր անել»,- հայտարարեց ՀՌՀ նախագահ Տիգրան Հակոբյանը` հավելելով, որ էթիկայի կանոններից ելնելով այդ հեռուստաընկերության անունը չի տալիս:
Նրա խոսքով` սա, սակայն, չի նշանակում, որ խոսքի և ԶԼՄ-ների ազատության մակարդակը համարվում է բավարար. «Բացի պետական մարմիններից` կան բազմաթիվ այլ գործոններ և բազմաթիվ խաղացողներ, որոնք թույլ չեն տալիս, որ զարգանան ազատ մեդիաները: Առաջին հերթին դա վերաբերում է ԶԼՄ-ների փայատերերին, հիմնադիրներին, որոնք իրականացնում են ստվերային ֆինանսավորում և ներազդում լրատվամիջոցների քաղաքականության վրա»:
Տիգրան Հակոբյանն ընդգծեց` նախկինում բաժնեմասի նույնիսկ 1 տոկոս չէր կարող վաճառվել առանց ամենավերին ատյանների գիտության. «Իսկ հաշվետու տարվա մեջ նման գործարքներ կատարել են մի շարք հեռուստաընկերություններ»:
Մանրամասները՝ տեսանյութում: