ՀՀԿ-ն ու կոալիցիան արդեն պայմանավորվել են երկրորդ հանդիպման մասին: Այսօր ԱԺ «Ժառանգություն» խմբակցության ղեկավար Ստյոպա Սաֆարյանից հետաքրքրվեցինք, թե ինչպե՞ս է վերաբերվում երկխոսության շարունակությանը և առաջ քաշած խնդիրներին:
Նշեց, որ լուրջ սպասելիքներ չունի, քանի որ մի կողմն ասում է՝ ես գալիս եմ արտահերթ ընտրությունների հարց քննարկեմ, մյուսն ասում է՝ հա, արի քննարկելու, բայց արտահերթ ընտրությունների չենք գնալու:
«Միայն իրենք գիտեն, թե ինչ նպատակներ են հետապնդում այս երկխոսությամբ, և իրենք պետք է դրա մասին խոսեն՝ շարունակությունը կա՞, թե՞ ոչ: Ինձ համար, անկեղծ ասած, միակ բանը, որ կարող է ընդունելի լինել՝ դա հռետորաբանության փոփոխությունն է: Միմյանց հասցեին հայհոյանքի դոզայի պակասությունը, այլ բան ես չեմ տեսնում»,- ավելացրեց Ստյոպա Սաֆարյանը: