Գերմանիայում Բեռլինյան պատի՝ աշխարհահռչակ գրաֆիտիի պուրակի վերածված ավերակների վրա հայտնվել է Մինեապոլիսում (ԱՄՆ) կալանավորելիս սպանված Ջորջ Ֆլոյդի դիմանկարը:
Դիմանկարն ուղեկցվում է «Ես չեմ կարող շնչել» մակագրությամբ. սրանք Ֆլոյդի վերջին խոսքերն են, որին ոստիկանը խեղդել է՝ ծնկով գետնին սեղմելով:
Deutsche Welle-ի փոխանցմամբ՝ ԱՄՆ-ում ոստիկանության կամայականությունների դեմ բողոքող մի քանի հարյուր ցուցարարներ դուրս են եկել Բեռլինի փողոցներ: Նրանք եկել են ամերիկայի դեսպանատուն` «Դադարե՛ք սպանել մեզ» և «Արդարադատություն Ջորջ Ֆլոյդի գործով» պաստառներով:
