Brussels Airlines ավիաընկերությունը հայտարարել է թռիչքների աստիճանաբար վերսկսման մասին և հրապարակել է ամառվա թռիչքների ժամանակացույցը:
Այս մասին հաղորդում է Politico-ն:
12 շաբաթվա ընդմիջումից հետո բելգիական ավիաընկերությունը հունիսի 15-ին կրկին կսկսի թռիչքներ իրականացնել՝ սպասարկելով 59 երկրների 33 ուղղություններ:
«Մինչև այս տարվա վերջ մենք հույս ունենք առաջարկել չվերթների 50% -ը, որոնք նախատեսված էին կորոնավիրուսային ճգնաժամի սկզբում»,- հայտարարել է ընկերության տնօրեն Դիտեր Վրանքսը։
Brussels Airlines ավիաընկերությունը մայիսի 12-ին հայտարարեց վերակազմավորման ծրագրի մասին, իսկ Lufthansa մայր ընկերությունը դեռ բանակցություններ է վարում Բելգիայի կառավարության հետ այն բանից հետո, երբ պետությունից օգնություն խնդրեց իր խնդրահարույց դուստր ընկերության համար:
Վերակազմավորման ծրագիրը աշխատակիցների մոտ մեկ քառորդի աշխատանքից ազատում է նախատեսում, ինչպես նաև օդանային պարկի և չվերթների ուղղությունների կրճատում։