«Իշխանությունը չկարողացավ ապահովել մասնակցային ժողովրդավարության տարրական էլեմենտները»,- ՄԱՀԻԻ-ում կազմակերպված քննարկմանը նկատեց փաստաբան Տիգրան Եգորյանը:
Նա ընդգծեց՝ երբ ասվում էր, որ սահմանադրական փոփոխությունները ենթադրում են ավելի երկար ժամանակահատված, այդ ժամանակ քննարկվում էր, թե ինչ միջոցներ կան, որոնք հնարավոր կլինի ավելի կարճ ժամանակաընթացքում որպես գործիք ձևակերպել և գործի դնել դատական համակարգը բարեփոխելու համար:
Տիգրան Եգորյանի պատկերավոր արտահայտությամբ՝ դատական իշխանության ուռուցքը տեղաբաշխված է եռաստիճան համակարգի տարբեր սեգմենտներում. «Ֆիլտրեր պետք է տեղադրվեին ընդամենը, որը պետք է իրագործեր ԲԴԽ-ն: Եվ այդ պարագայում ԲԴԽ-ի նույնիսկ ամենաարատավորված կազմը չէր ունենա այլընտրանք չգնալու այս օրենքների պատշաճ կատարման ճանապարհով: Այդ այլընտրանքը կնշանակեր ինքնասպանություն, որովհետև նրանք պետք է արդեն ժողովրդի խոշորացույցի ներքո պաշտպանեին այն հանցագործներին, որոնք կերտել են այսօրվա, այսպես կոչված, արդարադատության համակարգը»:
Տիգրան Եգորյանը նկատեց՝ ԲԴԽ-ում իշխանության նոր նշանակումները որևէ արդյունք չտվեցին. «ԲԴԽ-ն էլ չի պատկերացնում, թե իրենք ինչով կարող են զբաղվել, ինչով՝ ոչ. խուճապի մեջ անկանոն գործողությունների տպավորություն է»:
Առավել մանրամասն՝ տեսանյութում:
