Իրանի միջուկային էներգետիկ կազմակերպությունը (ԻՄԷԿ) հայտարարել է, որ արդեն 2011թ. ամառվանից կսկսի միջուկային վառելիք արտադրել Թեհրանի հետազոտական ռեակտորի համար:
«Այդ վառելիքի նախնական օրինակը ավելի վաղ է արտադրվել, և իրական վառելիքի արտադրությունը, որը հարստացված կլինի մինչև 20%, կսկսվի իրանյան օրացույցի Շահրիվարին (օգոստոս 23- սեպտեմբեր 22, 2011)», հայտարարել է ԻՄԷԿ-ի տնօրեն Ալի Աքբար Սալեհին:
«20% հարստացված միջուկային վառելիքը Իրանում մեր պատասխանն է Արևմուտքին»,- ավելացրել է Սալեհին:
Նա նշել է, որ մեծ պոտենցիալ ունեն մինչև 20% հարստացված վառելիք ունենալու համար: Նա նաև ասել է, որ Իրանում ծրագրեր կան արտադրելու հակաքաղցկեղային դեղամիջոցներ:
Նա ավելացրել է, որ ԻՄԷԿ-ը նոր ձեռքբերումների մասին կհայտարարի առաջիկա երկու երեք շաբաթների ընթացքում, այն բանից հետո, երբ Իրանը կհանդիպի 5+1 խմբի հետ` ԱՄՆ, Մեծ Բրիտանիա, Ֆրանսիա, Ռուսաստան, Չինաստան և Գերմանիա:
ԻՄԷԿ-ի տնօրենը հերքել է արևմտյան որոշ լրատվամիջոցների այն տեղեկությունները, համաձայն որի` տեխնիկական խնդիրների պատճառով Իրանում դադարեցվել են հարստացման աշխատանքները:
Ըստ Սալեհիի` Stuxnet վիրուսորի միջոցով Արևմուտքին չի հաջողվել հասնել իրենց նպատակին:
Հիշեցնենք, որ այս տարվա հուլիսին լուրեր հայտնվեցին այն ամսին, որ Բուշերի միջուկային ռեակտորի աշխատանքների դադարեցման համար Stuxnet վիրուսն է օգտագործվել, որի արդյունքում դադարեցվել են ատոմակայանի աշխատանքները: