Վրաստանի նախագահ Սալոմե Զուրաբիշվիլին ընդդիմության առաջնորդներ Իրակլի Օկրուաշվիլիին և Գիգի Ուգուլավային ներում շնորհելու մտադրության մասին նախազգուշացրել է «Վրացական երազանքի» առաջնորդներին, ովքեր հիստերիա են բարձրացրել դրա կապակցությամբ՝ գրում է apsny.ge-ն:
Զուրաբիշվիլին այս մասին ասել է «Ռուսթավի 2» հեռուստաընկերությանը տված հարցազրույցում: Ըստ նրա՝ Բիձինա Իվանիշվիլին, Արչիլ Թալկվաձեն և Գեորգի Գահարիան նախազգուշացվել են ընդդիմության առաջնորդներին ներում շնորհելու որոշման մասին:
«Քանի որ նման որոշումը չպետք է անսպասելի լինի», – ասել է Զուրաբիշվիլին:
Նա պնդում է, որ ինքն է կայացրել այդ որոշումը:
«Ես այս որոշման մասին երկար եմ մտածել, բայց երբ ես արդեն համոզված էի, որ նման որոշումը անհրաժեշտ է, դրա մասին տեղեկացրի նախքան այն բարձրաձայնելը: Ես տեղյակ եմ պահել կառավարության մասնաճյուղերին, պետական ինստիտուտներին, քանի որ անհնար է, որ նման որոշումը լիովին անսպասելի լինի: Մասնավորապես, ես տեղեկացրել եմ խորհրդարանի նախագահին, վարչապետին և «Երազ»-ի նախագահ Բիձինա Իվանիշվիլիին », – ասել է Զուրաբիշվիլին: