Աժ «Իմ քայլը» խմբակցության պատգամավոր Արեն Մկրտչյանը դրական է գնահատում պարետատան գործունեությունը ու ծիծաղելի համարում այն խոսակցությունները, թե արտակարգ դրությունը երկարաձգվել է քաղաքական նպատակներով։ Անդրադառնալով հարցին, թե նպատակահարմա՞ր է, որ վարչապետ Նիկոլ Փաշինյանը ասուլիսից առաջ կրկին ներկայացնում է ձեռքբերումները, մանավանդ, որ դրանցից որոշները խնդրահարույց են, նշում է՝ մենք պետք է ապրենք բնականոն կյանքով, կորոնավիրուսի կողքին։ Լինելով Ապրիլյան պատերազմի հանգամանքները քննող ԱԺ հանձնաժողովի անդամ՝ նշում է՝ դեռևս հայտնի չէ, թե երբ են զրուցելու Էդուարդ Նալբանդյանի հետ։
Ըստ պատգամավորի՝ Նալբանդյանի հրավերը կապ չունի Սերժ Սարգսյանի հրավերի հետ, դա պլանավորված եղել է ավելի վաղ։ Շուտով լրանալու է հանձնաժողովի աշխատանքների ժամկետը, Արեն Մկրտչյանը նկատում է՝ պետք է հնարավորինս զգույշ լինել, քանի որ գործ ունենք պետական գաղտնիքի և հույժ կարևոր տեղեկությունների հետ։
