Biozek ապրանքանիշի էքսպրես թեստերի գնման պայմանագիրը խզվել է՝ հայտարարել է Վրաստանի առողջապահության նախարարի տեղակալ Թամար Գաբունիան: Նա բացատրել է, որ ընկերությունը ժամանակին չի կատարել պայմանագրի պայմանները՝ գրում է ekhokavkaza.com-ը:
Գաբունիան ասել է, որ մինչև պայմանագրի կնքումը փորձագետները գնահատել են թեստերի որակը և գոհ էին դրանց արդյունքներից: Չնայած դրան՝ որոշվել է խզել պայմանագիրը:
ԶԼՄ-ների նախօրեին հաղորդել էին, որ Վրաստանի կառավարության կողմից ձեռք բերված COVID-19 «նիդեռլանդական արտադրության» հակամարմինների համար արագ թեստերը իրականում արտադրվել են Չինաստանում և վերանվանվել: Հետաքննություն է անցկացվել «Կազմակերպված հանցավորության և կոռուպցիայի մասին հաղորդման հարթակի» (OCCRP) և նրանց գործընկերների, այդ թվում՝ Նիդեռլանդներում հետաքննչական լրագրությամբ զբաղվող «Investico» -ի կողմից:
