Նյու Յորք նահանգում չեն հասցնում մշակել ամուսնության բոլոր դիմումներն այն բանից հետո, երբ այդ նահանգում թույլատրել են միասեռականների ամուսնությունը: Այս մասին հաղորդում է The Wall Street Journal-ը:
Առաջիկա կիրակի օրվանից այդ փաստաթղթերում անհրաժեշտություն չի լինի նշելու մարդկանց սեռը: Կանխատեսելով, որ այդ օրը շատերը կցանկանան ամուսնանալ, Նյու Յորքի իշխանությունները կազմակերպել են վիճակահանություն, որտեղ խաղարկվել է նման հնարավորություն: Բազմաթիվ դիմումներ են ստացվել ինչպես միասեռականներից, այնպես էլ ավանդական սեռական կողմնորոշում ունեցողներից: Արդյունքում ստացվել են ավելի շատ դիմումներ, քան տվյալ հիմնարկները հնարավորություն ունեն գրանցելու: