Երեկ Մինսկում մեծ ավտոերթ է տեղի ունեցել: Վարորդները բողոքել են բենզինի գների թանկացումից: Ավտոերթին ամեն կերպ փորձել են խոչընդոտել ավտոտեսուչներն ու հատուկ ծառայությունների ներկայացուցիչները, որոնք թույլ չեն տվել ավտոմեքենաներին կանգնել: Վարորդները փորձել են կաթվացահար անել երթևեկությունը՝ կանգնելով փողոցի մեջտեղում և ձևացնելով, թե մեքենան փչացել է:
Դրանից հետո առաջացել են հսկայական խցանումներ: Ինչպես բոլոր լուռ ակցիաների ժամանակ՝ մայթերին կանգնած մարդիկ սկսել են բարձր ծափահարել: Կան տեղեկություններ, որ ծափահարողներից եղել են ձերբակալվածներ: Մեքենաներից շատերում միացված է եղել Վիկտոր Ցոյի երաժշտությունը, որը բելառուսական իշխանություններն արգելել են:
«Ստոպ-բենզին» ակցիայի մասնակիցների սպիտակ ժապավեններով մեքենաները հարակից փողոցներից դուրս են բերել տրակտորների միջոցով:
