Լուրեր
Երիտասարդ տարիներին մտածում էի, որ պետք է պայքարել ռաբիսի դեմ, հասունացա հասկացա՝ անիմաստ է․ Անդրե Սիմոնյան

Օրերս «The Beautified Project» խմբի հիմնադիր, երաժիշտ Անդրե Սիմոնյանն ու երգիչ Սևակ Ամրոյանը ներկայացրին իրենց նոր աշխատանքը՝ Վահան Տերյանի «Իմ խաղաղ երեկոն է հիմա» բանաստեղծության հիման վրա զուգերգի նոր տեսահոլովակը:

«Առաջին լրատվական»-ը օնլայն տեսակապով զրուցել է Անդրե Սիմոնյանի հետ, ով Լոնդոնում է: Մեր հայրենակիցը նախ ներկայացրեց Լոնդոնում կորոնավիրուսով պայմանավորված իրավիճակը՝ մասնավորապես նշելով, որ մարտի 14-ից սկսած՝ պահպանվում է արտակարգ դրության ռեժիմը, կառավարության կողմից սահմանված կանոնների համաձայն՝ թույլատրվում է մեկ անգամ դուրս գալ տնից անհրաժեշտ գնումների և զբոսանքի համար: «Ցավոք կորոնվիրուսի պատճառով մահվան դեպքերի թիվն Անգլիայում մեծ է, կազմում է վարակվածների մոտ 12-13 տոկոսը: Այս թիվը նվազման միտում ունի և հնարավոր է կառավարությունը առաջիկայում մեղմացնի սահմանափակումները»:

Արդյոք ինքնամեկուսացումն արվեստագետներին խանգարում է նոր հորիզոններ նվաճել: Անդրադառնալով դիտարկմանը՝ Անդրե Սիմոնյանը նշեց, որ խմբի 15-ամյակը պատրաստվում էին նշել Երևանում, և դրանից մեկ շաբաթ անց պետք է թողարկվեր զուգերգերի ալբոմը, սակայն երկուսն էլ չեղարկվեցին: «Բայց այս պայմաններում էլ փորձում եմ լավը քաղել, կենտրոնացած եմ իմ արվեստի վրա, կիսատ երգերիս վրա եմ աշխատում, իմ գիտելիքներն եմ փորձում ավելացնել, ինչպես նաև փորձում եմ օգտակար լինել իմ ծնողներին»:

Անդրադառնալով Վահան Տերյանի «Իմ խաղաղ երեկոն է հիմա» բանաստեղծության հիման վրա զուգերգի ստեղծմանը՝ Անդրե Սիմոնյանը նշեց. «Վահան Տերյանն անկեղծ է, անկեղծ է նաև Սևակ Ամրոյանը… Եվ փորձեցիքն պարզ և գեղեցիկ ներկայացնել և հանդիսատեսի վրա ազդել այնպես, ինչես Տերյանն է ազդել մեր սրտի ու հոգու վրա»:

 

Մանրամասն՝ տեսանյութում:

  • Դիտումներ՝ *