ԱՄՆ նախագահ Դոնալդ Թրամփը վստահություն է հայտնել, որ ԱՄՆ-ում նոր տեսակի կորոնավիրուսի տարածման հնարավոր երկրորդ ալիքը չի լինի այնքան մեծ, որքան առաջինը: Այս մասին ԱՄՆ նախագահը հայտարարել է Սպիտակ տան կայքում հեռարձակված մամուլի ասուլիսի ժամանակ:
Երկրորդ ալիքն այնպիսին չի լինի, ինչպիսին հիմա է, ասել է Թրամփը ՝ վկայակոչելով փորձագիտական գնահատականները: Նա ավելացրել է, որ ԱՄՆ-ն երկրորդ ալիքին ավելի լավ պատրաստ կլինի:
Բացի այդ, ներկայիս իրավիճակը չի կրկնվի նույնիսկ այն դեպքում, երբ կորոնավիրուսը և սեզոնային գրիպը միաժամանակ բռնկվեն, ասել է Թրամփը:
Միևնույն ժամանակ, ԱՄՆ առաջնորդը շեշտել է, որ երկրորդ ալիքը կարող է եւ չլինել:
