Թբիլիսիի բնակիչների մեծամասնությունը պահպանում է ինքնամեկուսացման ռեժիմը և մնում է տանը, ասվում է «Յանդեքս» ընկերության հաղորդագրության մեջ:
«Յանդեքս»-ի ինքնամեկուսացման քարտեզը ցույց է տալիս կարանտինային պայմանների պահպանման մակարդակը Ռուսաստանի քաղաքներում, որտեղ ապրում է ավելի քան 50 հազար մարդ, ինչպես նաև ԱՊՀ շատ քաղաքներում և Վրաստանի մայրաքաղաք Թբիլիսիում: Դրա համար համեմատվում է տվյալ պահի և կորոնավիրուսի համաճարակի առաջ սովորական օրվա քաղաքային ակտիվության մակարդակը:
Ըստ ծառայության տվյալների, ապրիլի 20-ին, Թբիլիսիում, օրինակ, տեղական ժամանակով 16:20-ին, «կանաչ գոտում» ինքնամեկուսացման ցուցանիշը կազմել է 4.6 բալ: Սա նշանակում է, որ Վրաստանի մայրաքաղաքի փողոցներում գրեթե մարդ չի եղել, հետևաբար, կորոնավիրուսի տարածման վտանգը իջել է նվազագույնի:
Ընդհանուր առմամբ, ծառայությունը ցույց է տալիս ինքնամեկուսացման ցուցանիշի երեք վիճակներ. 0-2.9 միավոր՝ քաղաքը գտնվում է «կարմիր գոտում», ինչը նշանակում է, որ փողոցներում շատ մարդիկ կան: Եթե քարտեզը ցույց է տալիս 3-3.9 միավոր, ուրեմն քաղաքը «նարնջագույն գոտում» է և փողոցներում մարդիկ կան: «Կանաչ գոտում» ներառվում են այն քաղաքները, որոնք ստանում են 4-5 միավոր և փողոցներում գրեթե մարդ չկա:
Օրինակ, Մոսկվայում ինքնամեկուսացման ցուցանիշը 3.1 միավոր է, Բաքվում՝ 3.5, Երևանում՝ 2.6: