Թուրքիայի վարչապետ Ռեջեփ Թայիփ Էրդողանի խորհրդական Իբրահիմ Կալընը հարցազրույց է տվել իսրայելական Haaretz օրաթերթին: նա պնդում է, որ Թուրքիան շահագրգռված է Իսրայելի հետ հարաբերությունների այն աստիճան վերականգմանը, որոնք եղել են մինչև «Ազատության նավատորմի» հետ տեղի ունեցած միջադեպը: «Մենք ցանկանում ենք վերադարձնել Թել Ավիվում մեր դեսպանին, մենք ցանկանում ենք վերականգնել համատեղ զորավարժությունները, մենք ցանկանում ենք համագործակցել ռազմական և քաղաքացիական ոլորտներում, մենք ցանկանում ենք ամբողջովին վերադառնալ այն իրավիճակին, որը գոյություն ուներ 2010թ.»,- ասել է Կալընը:
Կալընը «ոչ կոկիկ է» համարել Իսրայելի փոխվարչապետ Դանի Այալոնի այն հայտարարությունը, համաձայն որի «թուրքիան մի բան է ուզում Իսրայելից՝ ներողություն 2010 թ. միջադեպի համար»: «Ցանկացած ժամանակ, երբ մենք մոտ ենք բեկմանը, հարաբերությունների վերականգմանը, ինչ-որ մեկը սկսում է խանգարել»,- ասել է Կալընը: նա պարզաբանել է, որ հարաբերությունների լիակատար վերականգման համաձայնագիրը, որով նախատեսվում է «Ազատության նավատորմի» միջադեպի համար ներողություն և փոխհատուցման վճարում, հավանության է արժանացել Իսրայելի վարչապետ Բենյամին Նեթանյահուի և մերժվել արտգործանախարար Ավիգդոր Լիբերմանի կողմից:
«Մեզ ընդհանրապես դուր չի գալիս Իսրայելի հետ հարաբերությունների վատացումը: Մեզ համար նրանք մեծ արժեք են ներկայացնում, սակայն Իսրայելը պետք է հասկանա, թե ինչ է տեղի ունենում Թուրքիայում: Ընկերները պետք է կարողանան ընդունել և ներողություն խնդրել սխալների համար: Մենք նույնպես ափսոսանք ենք հայտնում տեղի ուենցածի կապակցությամբ: Մենք չենք պատարաստվում խզել Իսրայելի հետ հարաբերությունները, որոնք ժամանակին ուղղակի գերազանց էին, և մենք շարունակելու ենք մեր ջանքերը՝ Իսրայելի և Սիրիայի միջև խաղաղություն հաստատելու ուղղությամբ»:
