Միացյալ Նահանգների պետդեպարտամենտը բացահայտել է, թե 2019-ին ինչ է նվիրել երկրի ղեկավար Դոնալդ Թրամփն իր գործընկերներին:
Գերատեսչության տվյալներով, Ճապոնիայի կայսրին Թրամփը նվիրել է ալտ և 3.766 դոլարանոց շրջանակով կոմպոզիտոր Աարոն Կոպլենդի լուսանկարը: Եղիսաբեթ II-ին նա նվիրել է 3750 դոլար արժողությամբ բրոշ:
Չինաստանի նախագահ Սի Ցզինպինը Թրամփից ստացել է թեյի սպասք՝ 2.629 դոլար արժեքով, իսկ Մեծ Բրիտանիայի նախկին վարչապետ Թերեզա Մեյը՝ սահմանափակ տպաքանակով թողարկված «Լյուիսի և Քլարքի ճամփորդությունը»՝ 2500 դոլարով:
Կրիկետի անվանական խաղաձող (բիտա) և ԱՄՆ նախկին նախագահ Էյզենհաուերի լուսանկարը (1650 դոլար) 2019-ին ԱՄՆ նախագահից նվեր է ստացել Պակիստանի վարչապետ Իմրան Խանը, իսկ Ճապոնիայի վարչապետ Սինձո Աբեն՝ «Միլիոն դոլարանոց փոքրիկը»-ից բռնցքամարտի ձեռնոց՝ ֆիլմի ռեժիսոր Քլինթ Իսթվուդի ստորագրությամբ:
