Աշխարհը ոչ թե գնում է միայն ճգնաժամի, ինչպես ֆինանսական ճգնաժամն էր, այլ ռեցեսիայի: Այս մասին «Առաջին լրատվական»-ի հետ զրույցում նշեց ԱԺ ԲՀԿ խմբակցության պատգամավոր Միքայել Մելքումյանը:
«Այսինքն անընդհատ պերմանենտ անկումներ ենք ունենալու: Այս առումով պետք է մտածել, որ Հայաստանը չափերով փոքր երկիր է, ինչը որոշակի կառավարելիության ավելի մեծ հնարավորություններ է տալիս: Նախ պետք է այնպես անել, որ իրավիճակը անկառավարելի չլինի, երկրորդ, պետք է ինչ-որ բաներ բացես,ինչ-որ բաներ փակես: Դա դիմանիկան ցույց կտա: Այսինքն արդեն 10 օրից ավելի ունենք այս վիճակը, և սրա գնահատականը պետք է տանք: ԲՀԿ-ն արդեն իր 7 կետերում նշել է, թե ինչ համալիր քայլեր պետք է արվեն: Աշխատատեղերը պետք է փրկենք, թեկուզ ոչ շահույթով»,-ընդգծեց նա: